Milli Azərbaycan Tarixi Muzeyinin Numizmatika fondunda Ağqoyunlu hökmdarı Xəlilxanın adından zərb edilmiş nadir mis fels (1,5 q çəkili) qorunur.

Xəlilxan çox qısa müddətdə 1478-ci ildə bir neçə ay hakimiyyətdə olmuşdur. Məhz bu səbəbdən də həmin hökmdarın dövründən müasir dövrümüzədək gəlib çatmış sikkələr nadir hesab edilir.

Felsin üst tərəfinə ərəbcə “əl-sultan Xəlil xan”, digər tərəfində isə sola istiqamətlənən pələng və balasının təsviri, üzərində ərəbcə: “Ərzincan” sözü həkk edilib. Bu qiymətli numizmatik fakt XV əsrin sonunda Azərbaycanın pul dövriyyəsini, xüsusilə Türkiyə ilə ticarət əlaqələrini təsdiq edir. Həmçinin Sultan Xəlil dövründə gümüş sikkələr – təngə və onun fraksiyaları (1/3, 1/4) zərb edilmişdir.

Sikkə 14 dekabr 2015-ci ildə Bakı sakini Fuad Əbdülrəhimzadə tərəfindən muzeyə təhvil vermişdir.