Milli Azərbaycan Tarixi Muzeyinin Sənədli mənbələr və Köməkçi materiallar fondlarında Bakıda ali-ibtidai qız məktəbinin yaradılmasının təşəbbüsçüsü və həmin müəssisənin müdiri olmuş, 1925-ci ildə Azərbaycan SSR Maarifçilər Həmkarlar İttifaqı mərkəzi şurasının üzvü seçilmiş görkəmli pedaqoq Rəhilə Hacıbababəyovaya aid fotoşəkillər mühafizə olunur.

XX əsrin əvvəlinə aid təqdim etdiyimiz ilk fotoda III rus-müsəlman qız məktəbinin müəllimləri əks olunub: Arxa hissədən 1-ci cərgədə: Məryəm Terequlova, Tamara Axundova, Zəhra Ağayeva (Şaxtaxtinskaya), 2-ci cərgədə: Mina Aslanova, Rəhilə Hacıbababəyova, əyləşənlər: Sürəyya Vəlibəyova (Bəylərbəyova), Əminə Ağayeva. Digər fotoşəkillərdə isə Rəhilə Hacıbababəyova təsvir olunub.