29 mart 2023-cü il tarixində Milli Azərbaycan Tarixi Muzeyində Vətən Müharibəsi şəhidi Əfqan Ramil oğlu Nəsirovun doğum gününə həsr olunmuş tədbir keçirilib. Tədbiri giriş sözü ilə açan muzeyin Vətən Müharibəsi fondunun müdiri Şəfa Mövsümov şəhid Əfqan Nəsirovun həyatı və döyüş yolu haqqında fotoslaydın müşayiəti ilə çıxış edib. Ş.Mövsümov çıxışında Əfqan Nəsirovun muzeydə qorunan şəxsi əşyaları və sənədləri barədə ətraflı məlumat verib.

Sonra şəhid Əfqan Nəsirovun anası Kəmalə Nəsirova, şəhid Kamran Qasımovun anası Nailə Qasımova, şəhid Ağacavad Mütəllimzadənin anası Nailə Mütəllimzadə, şəhid Emin Şamilovun anası Validə Şamilova, Azərbaycan Xüsusi Təyinatlı Qüvvələrinin giziri, qazi Rüstəm İsmayılov və “Dəmir Yumruq Alfa-A” Cəmiyyətinin sədri Ülviyyə Əsədova bu kimi tədbirlərin keçirilməsini yüksək qiymətləndirərək tədbir təşkilatçılarına təşəkkürünü bildirib.

Tədbirin yekununda qonaqlar şəhid Əfqan Nəsirova məxsus muzeydə qorunan materiallarla əyani tanış olub.

Sonda tədbir iştirakçıları H.Z.Tağıyevin ev-muzeyinə ziyarət edib və xatirə fotosu çəkilib.