8 may 2024-cü il tarixində Milli Azərbaycan Tarixi Muzeyində YAP “Z.Tağıyev küçəsi, 4” Ərazi Partiya Təşkilatı tərəfindən Ümummilli lider Heydər Əliyevə həsr olunmuş tədbir keçirilib.

Azərbaycan Respublikasının Dövlət Himni səsləndirildikdən sonra Ümummilli lider Heydər Əliyevin xatirəsi bir dəqiqəlik sükutla yad edilib.

Tədbirdə “Z.Tağıyev küçəsi, 4” Ərazi Partiya Təşkilatının sədri, muzeyin aparıcı elmi işçisi, t.ü.f.d., dosent Bəhmən Kərimovun “Müstəqil Azərbaycanın qurucusu və memarı”, muzeyin elmi katibi, t.ü.f.d., dosent Sevinc Nəsirovanın “Heydər Əliyev və Azərbaycan mədəniyyəti”, muzeyin Arxeologiya elmi fond şöbəsinin müdiri, t.ü.f.d., dosent Nasir Quluzadənin “Heydər Əliyevin birinci hakimiyyəti dövründə Azərbaycanın mədəni tarixi irsinin bərpası və qorunması”, sözügedən təşkilatın sədr müavini Pərvanə Əzimovanın “Müstəqil Azərbaycan dövləti Heydər Əliyevin xalqımıza ən böyük töhfəsi və əmanətidir”, Fondların elmi uçotu və təsnifatı şöbəsinin böyük elmi işçisi, t.ü.f.d. Aygün Məmmədovanın “Heydər Əliyev Fondunda nümayiş edilən numizmatik materiallar”, muzeyin Vətən müharibəsi fondunun mütəxəssisi Gülnar Fərhadovanın "Azərbaycan xalqının ümummilli lideri - Heydər Əliyev" adlı məruzələrində xalqın unudulmaz lideri Heydər Əliyevin ölkənin sosial-iqtisadi, elmi-texniki və mədəni inkişafında, həmçinin dövlət idarəçiliyində və ictimai-siyasi sahədə xidmətləri barədə ətraflı məlumat verilib.